म्याग्दी जिल्ला कारागारको संयोजन तथा नेपाल अन्तर्राष्ट्रिय कृष्णभावनामृत संघ (इस्कोन नेपाल), बागलुङ शाखाको आयोजनामा गरिएको गीता वितरण कार्यक्रममा इस्कोन नेपालका यूवा प्रचारक श्री परमेश्वर अच्यूत दासले श्रीमद्भगवद्गीताको महत्वमाथी प्रकाश पार्दै गीता अध्ययनले सकारात्मक मनोबल बढ्ने हुँदा कैदीहरुलाई पनि फाइदा पुग्ने विश्वास व्यक्त गर्नुभयो । “श्रीमद्भगवद्गीता यथारुपको अध्ययन आजको समाजको सबैभन्दा ठूलो आवश्यकता हो ।” दासले बताउनुभयो ।
म्याग्दी जिल्ला कारागारका जेलर नवराज पौडेलले स्वागत मन्तव्य राख्नुभएको थियो ।“ इस्कोनका गतिविधीले समाजको चौतर्फी हित भएको छ ” उहाँले बताउनुभयो । गीतालाईग्रन्थ वितरण सँगसँगै कारागारका कैदीहरुलाई फलफुल पनि वितरण भएको थियो । इस्कोनका संस्थापक आचार्य ए.सी.भक्तिवेदान्त स्वामी श्रील प्रभुपादले विश्वभरि नै श्रीमद्भगवद्गीता यथारुप वितरण गर्न दिनुभएको निर्देशन अनुरुप इस्कोनले विश्वभरि नै बर्षेनी लाखौँको संख्यामा श्रीमद्भगवद्गीता लगायतका वैदिक ग्रन्थहरु वितरण गर्दै आएको छ । निःशुल्क गीता वितरण कार्यक्रममा रेशम प्रसाद भण्डारीले ५० वटा , सुवास भण्डारीले २० वटा, गोकर्ण बहादुर भण्डारीले २० वटा र विमल कुमार श्रेष्ठले १० वटा गीता प्रायोजन गर्नुभएको थियो ।
No comments
Post a Comment